2Th 1 | MMX | STEP | Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa ne Temen dik la Leeme Silok, ne Iesu Karisito.

2 Thessalonians 1

Lavapaase Axasep

1 Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa ne Temen dik la Leeme Silok, ne Iesu Karisito.

2 Letaba nabalamu la lenmila boro at ne Moroa ne Temen dik la Leeme Silok, ne Iesu Karisito na nemen eburu minemi.

Laaleng Ete La Lovotpot At Ne Iesu

3 Luvutnetak mi luvurinuk. I lox avukat do nema ma tong avukat amisik ti ne Moroa mumu nimi. I lox avukat mila lunuunu atnimi ira susu silok la labalamu ela xantubu atnimi ira sisilok bok. 4 Kuren la nema ma xip aurut nimi ri levelotu at ne Moroa, mila nemi mi tu lolos at lunuunu atnimi kantubu at levesongsongot mi levenmumuat, mo mip kiv i.

5 Lunuunu atnimi i tu lolos, la na i lox asuusu i do lodoxoma at ne Moroa ik mokso aleng la at laaleng ete neni naba ila mumu loklok atnimi la minaba epovo xusu mina vubeles uto xeneng at Linintoo ren. Ni lavasuun at levesongsongot atnimi. 6 Moroa ik mokso aleng la neni ba vorang levesongsongot atnedi dim taba nimi min. 7 La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot. 8 La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu. 9 La Leeme Silok naba raba di mi lumumuat i silok aleng la dibap kip amisix i. Diba nemen amisik to vetpes basinge lemeren Leeme Silok la di noxo suma lololos avukat at ne Moroa. 10 Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

11 Kuren la ma ngising amisik ne Moroa do neni na lox epovo nimi ri mo lorooro melemu, mo ne Moroa atdik ga ro ka nimi rin. La neni na lok tooro nimi mi lololos teren kusu miba epovo do mina lok leven gugu nunuan kerekngan limixin nuunu di vara na lox i. 12 La kerepmo limixin diba ven leven gugu nunuan atnimi la diba emi asu mi ne Iesu Karisito la diba emi asu bok minimi. Naba ravasu xuren mila ne Moroa atdik mi Leeme Silok ne Iesu Karisito du lox asuusu letaba nabalamu rinimi.